სხვა ოჯახში ცხოვრება შენთვის ახალი გამოწვევაა. მაგრამ სულ მოკლე დროში შენ თავს იგრძნობ გერმანელი მასპინძელი ოჯახის წევრად.
შუამავალი გერმანული ორგანიზაცია ძალიან დიდ მნიშვნელობას ანიჭებს მასპინძელი ოჯახების შერჩევას, რათა შენ ოჯახში თავი კარგად იგრძნო. შერჩევის დროს სხვა კრიტერიუმებთან ერთად ასევე ვითხოვთ პატივისცემას სხვა სამყაროს მიმართ, კონტაქტურობასა და ტოლერანტობას. იგივე უნარებს ვითხოვთ შენგანაც, ისევე როგორც ახლის მიმართ შეგუების უნარს.
შეირჩევა მხოლოდ სტაბილური სოციალური და ფინანსური შესაძლებლობების ოჯახები. რადგან ეს არის ჩვენი აზრით წინაპირობა იმისა, რომ შენ შენს მასპინძელ ოჯახთან ერთად უსაფრთხო და სანდო გარემოში იცხოვრო.
ჩვენ გვინდა, რომ შენ თავი კარგად იგრძნო. მაგრამ ვინ ვის გაუგებს კარგად? ზუსტად ამას ვადგენთ წინასწარ. მაგალითად ვითვალისწინებთ ორივე მხარის ინტერესების სფეროებს. ამიტომ ძალიან მნიშვნელოვანია, რომ განაცხადის გაკეთების დროს გულახდილად გვაცნობო შენი ჰობისა და სხვა ინტერესების შესახებ.
არ არსებობს ტიპიური გერმანული მასპინძელი ოჯახი. მასპინძელი ოჯახები ერთმანეთისგან განსხვავდებიან მათი სოციალური და პროფესიული მდგომარეობით, მათი განათლებითა და ოჯახური შემადგენლობით. გარდა ჩვეულებრივი ოჯახებისა არსებობენ ასევე უშვილო წყვილები, რომლებსაც სურთ შენნაირი მოსწავლის მასპინძლობა, ასვე მარტოხელა დედები ან მამები, რომელთა შვილებიც მათთან აღარ ცხოვრობენ. ზოგი ოჯახი დიდ ქალაქში ცხოვრობს, ზოგიც - სოფელში.
"გამარჯობა, ეს მე ვარ!"
გერმანიაში გამგზავრებამდე შენ მიიღებ მრავლისმომცველ ინფორმაციას მასპინძელი ოჯახის შესახებ, მათ შორის მისამართსა და ტელეფონის ნომერს. ასე რომ შესაძლებლობა გექნება სახლიდანვე დაუკავშირდე მათ. თქვენ შეგეძლებათ პირდაპირ და მშვიდად განიხილოთ, თუ როგორ წარმოგიდგენიათ თქვენი თანაცხოვრება.
